Amfiteatri i Liqenit Artificial të Tiranës
+355 68 901 0991

Qëllimi

Projekti NYou vjen me edicionin e tij të parë në datat 6-7-8 qershor në Tiranë nga shoqata Ora, e cila luan një rol të veçantë në jetën aktive shoqërore për t’i ardhur në ndihmë fëmijëve me probleme të ndryshme. Qëllimi i këtij projekti është përmirësimi dhe edukimi i rinisë nëpërmjet artit dhe kulturës, ofrimit të një mundësie për grupe muzikore nga e gjithë Shqipëria, Ballkani dhe Evropa për t’u takuar, demonstruar dhe ndarë arritjet e tyre muzikore dhe kreativitetin. Ai do të sigurojë një komunitet dinamik të studentëve, artistëve, studiuesve dhe kijimin e një audience rreth këtij komuniteti dhe më gjerë.

Festivali NYou synon të jetë një konservator muzikor i mirënjohur ndërkombëtarisht i dedikuar, për studimin dhe performancën e llojeve të ndryshme të muzikes në zhanre të shumëllojshme, kryesisht Jazz. Kjo inciativë është konceptuar si projekti i parë për tu pasuar rradhazi nga shumë të tjerë.

Fokusi

Projekti do të marrë përsipër të edukojë dhe ndërgjegjësoj pjesën tjetër të shoqërisë për të qënë më aktive dhe për t’i dhënë mundësi më fokus të veçantë personave me sindromën DOWN dhe Autike, për socializimin dhe integrimin e tyre në shoqëri.

N(YOU) është konceptuar me shumë aktivitete gjatë ditës duke dhënë mesazhin e mirëqënies, që për këta persona do të thotë mbi të gjitha integrim në shoqëri dhe në mënyrë të veçantë në botën e shkollimit dhe të punës.

Për 3 ditë me rradhë, nga e mërkura në të premte, eventet e projektit do të kenë fokusin mbi këta individë, madje duke i bërë ata dhe pjesë të stafit.

Stafi

Eventi do te jetë i mbushur me aktivitete që do të fillojnë që në mëngjes e do të vazhdojnë përgjatë gjithë ditës. Në mbrëmje mund të ndiqni disa interpretime live nga artistë të njohur shqiptare dhe të huaj, ku pjesëmarrja do të jetë me pagesë. Organizatorët e këtij eventi janë:

  • Oriola Kuci – Drejtor Festivali
  • Jola Hysi & Ardit Guga – Koordinatorë
  • Brikel Guga – Drejtor Artistik
  • Sara Cengu – Graphic Designer
  • ORA – NYou – Organizatorë